Etihad Airways-ის შემოსვლა საქართველოში ინვესტორებისთვის ახალ შესაძლებლობებს ქმნის

თბილისის საერთაშორისო აეროპორტში კიდევ ერთი მნიშვნელოვანი ავიაკომპანია იწყებს ოპერირებას Etihad Airways, არაბეთის გაერთიანებული საამიროებიდან, 2026 წლიდან საქართველოში დაიწყებს ფრენების შესრულებას.

Etihad Airways არაბული ავიახაზიაა, რომელიც მსოფლიოში ერთ-ერთ წამყვან ბრენდად ითვლება. კომპანია აბუ-დაბიშია დაფუძნებული და ასეულობით მიმართულებას ემსახურება აზიასა და ევროპაში, ასევე აფრიკასა და ავსტრალიაში.

Etihad-ი ცნობილია მაღალი ხარისხის მომსახურებით, თანამედროვე და კომფორტული მგზავრობის პირობებით. ის არაერთხელ დასახელებულა როგორც ერთ-ერთი საუკეთესო ავიაკომპანია ბიზნესისა და პრემიუმ კლასის მოგზაურებისთვის. ახლა კი მისი გაფართოების ახალი ეტაპი იწყება თბილისით, რაც მთელი რეგიონისთვის მნიშვნელოვან სიახლეს წარმოადგენს.

ფრენების დაწყება თბილისიდან ნიშნავს, რომ საქართველოს დედაქალაქი უერთდება გლობალურ ავიამარშრუტებს და ქმნის ახალ შესაძლებლობებს როგორც ადგილობრივებისთვის, ისე საერთაშორისო ვიზიტორებისთვის. პირდაპირი კავშირი აბუ-დაბისთან გაამარტივებს ტურისტული ნაკადების ზრდას, გააძლიერებს საქმიანი მოგზაურობის შესაძლებლობებს და საქართველოს კიდევ უფრო მიმზიდველს გახდის როგორც დასასვენებლად, ისე ბიზნესის განვითარების თვალსაზრისით.

რეგულარული რეისები არა მხოლოდ კომფორტულ გადაადგილებას უზრუნველყოფს, არამედ აჩქარებს საქმიანი ურთიერთობების განვითარებასა და პარტნიორული ქსელების გაფართოებას. ეს არის კიდევ ერთი ნაბიჯი საქართველოს საერთაშორისო ინტეგრაციისკენ და დადასტურება იმისა, რომ თბილისი სულ უფრო აქტიურად იქცევა გლობალურ ეკონომიკურ რუკაზე მნიშვნელოვანი წერტილად.