NEXT-ის წარმატებული დებიუტი Property Investor Show-ზე ლონდონში

10–11 აპრილს, ლონდონის ExCeL-ის საგამოფენო ცენტრში გამართულ Property Investor Show-ზე საერთაშორისო დეველოპერულ კომპანია NEXT-ს წარმატებული დებიუტი ჰქონდა. ეს იყო კომპანიის პირველი ოფიციალური მონაწილეობა გაერთიანებულ სამეფოში, რაც მნიშვნელოვანი ეტაპია ბრენდის გლობალური გაფართოებისთვის.

NEXT-მა გამოფენაში მონაწილეობა პარტნიორ კომპანიასთან — Tatu City-სთან ერთად მიიღო. აღნიშნული კოლაბორაცია კიდევ ერთხელ უსვამს ხაზს კომპანიის სტრატეგიას — იმუშაოს ძლიერ, რეგიონულად გავლენიან პარტნიორებთან ერთად და წარმოადგინოს მაღალი კლასის საერთაშორისო პროექტები.

NEXT-ის სტენდი განსაკუთრებულ ინტერესს იწვევდა როგორც დარგის პროფესიონალებში, ასევე კერძო ინვესტორებში. ვიზიტორები დეტალურად ეცნობოდნენ NEXT-ის განვითარებად პროექტებს აფრიკაში (NEXT Amani, Tatu City, Kenya) და დუბაიში (NEXT Villas Dubai), რომელთა მიმართ ინტერესი საგრძნობლად გაიზარდა.

განსაკუთრებული ყურადღება დაეთმო საქართველოშიც არსებულ პროექტებს, რაც კიდევ ერთხელ ადასტურებს ქვეყნის მზარდ პოპულარობას როგორც ინვესტორებისთვის, ისე საცხოვრებლად მოსურნე უცხოელებისთვის. საერთაშორისო ვიზიტორები დაინტერესდნენ ისეთი მიმართულებებით, როგორიცაა ბათუმი და თბილისი — რეგიონები, რომლებიც გამოირჩევა სტრატეგიული მდებარეობით, ტურისტული დინამიკითა და მიმზიდველი საინვესტიციო პირობებით.

Property Investor Show დიდი ბრიტანეთის უძრავი ქონების სექტორის ერთ-ერთი ყველაზე გავლენიანი ღონისძიებაა, რომელიც წლების განმავლობაში იკრიბავს საერთაშორისო დეველოპერებს, ინვესტორებსა და ფინანსურ მრჩეველებს. ექსპო უზრუნველყოფს უნიკალურ პლატფორმას ქსელური ურთიერთობების გაღრმავებისთვის და ახალი შესაძლებლობების აღმოჩენისთვის.

NEXT-ის გაერთიანებული სამეფოს ბაზარზე გასვლა მხოლოდ დასაწყისია კომპანიის გლობალური სტრატეგიის, რომელიც მიმართულია ინვესტორებისთვის დივერსიფიცირებული, მაღალი ხარისხის და მომგებიანი პროექტების შეთავაზებაზე მსოფლიოს სხვადასხვა რეგიონში.