კომპანია NEXT “Future Hospitality Summit-ის” მთავარ მონაწილედ წარდგა
უძრავი ქონების და სტუმართ-მასპინძლობის სფეროში ახალი მიღწევებით, NEXT, პირველი ქართული საინვესტიციო-დეველოპერული კომპანიაა, რომელიც სტუმართ-მასპინძლობის ინდუსტრიის ყველაზე მნიშვნელოვან საერთაშორისო ღონისძიებაზე Future Hospitality Summit-ზე ერთ-ერთ მთავარ მონაწილედ წარსდგა.
სამიტი 2023 წლის 25-27 სექტემბერს, არაბთა გაერთიანებულ საამიროებში, აბუ-დაბიში გაიმართა და 1000-ზე მეტ ვიზიტორსა და 100-მდე საერთაშორისო მედიის წარმომადგენელს უმასპინძლა.
პანელურ დისკუსიაში მონაწილეობდა ანი ოცხელი (NEXT-ის მარკეტინგის დეპარტამენტის ხელმძღვანელის მოადგილე), ჯაიდევ მენეზეს ( Marriott International-ის რეგიონალური ვიცე-პრეზიდენტი), დანიელ ფონ ბარლოუენი (Accor Group-ის რეგიონალური ვიცე-პრეზიდენტი) და მარკ კირბი (Emaar-ის სტუმართ-მასპინძლობის ხელმძღვანელი). დისკუსიის მოდერატორი კი იყო სკოტ ანტელი, Hospitality & Franchise-ის ცნობილი იურისტი.
NEXT & Spectrum
სამიტზე, საქართველო დეველოპერულმა კომპანია NEXT-მა და არქიტექტორულმა კომპანია Spectrum-მა, ერთობლივი თანამშრომლობით შექმნილი ინოვაციური პროექტებით წარადგინეს.
NEXT & Spectrum- ის ერთიანი ხედვა, რომელიც ორიენტირებულია ტრანსფორმაციული, მდგრადი განვითარების შემუშავებაზე, განსაზღვრავს საქართველოს სტუმართ-მასპინძლობის მომავალს გლობალურ არეალზე.
Future Hospitality Summit-ის როლი უძრავი ქონების სექტორში:
ღონისძიება ყოველწლიურ ხასიათს ატარებს და აერთიანებს უძრავი ქონებისა და სტუმართ-მასპინძლობის ინდუსტრიის გლობალურ ლიდერებს, რომლებიც განიხილავენ სხვადასხვა პროექტებს, ინოვაციურ საინვესტიციო ტენდენციებსა და იდეებს.
სამიტი, შესაძლებლობას აძლევს NEXT-ს, გამოიყენოს ეს პლატფორმა ახალი შესაძლებლობებისა და ინდუსტრიის ინოვაციური მიდგომების შესასწავლად, თანამშრომლობის გასაძლიერებლად და ამით კიდევ უფრო გაზარდოს საქართველოს როლი ინდუსტრიის განვითარებაში.
NEXT-ის სამომავლო გეგმები
სამიტზე, NEXT-მა ახალი პროექტი სახელწოდებით Next Coral წარადგინა, რომელიც არაბთა გაერთიანებულ საამიროებში, დუბაის კუნძულებზე განხორციელდება. NEXT-ი ახალი პროექტით საერთაშორისო რუკაზე ოფიციალურად მოინიშნება და სიახლე არა მხოლოდ კომპანიისთვის, ქვეყნისთვისაც ღირებული იქნება.