პროექტები

სიახლეები

უძველესი ისტორია, მსუბუქი და დინამიური არქიტექტურა, მზიანი სანაპირო ზოლი, ბულვარი, ბათუმის ბოტანიკური ბაღი, უგემრიელესი აჭარული სამზარეულო, მრავალი გასართობი ადგილი, კულტურული თუ დასასვენებელი აქტივობები ამ ქალაქს უნიკალურს ხდის და იზიდავს უამრავ ტურისტს მთელი მსოფლიოდან.

კეთილი იყოს თქვენი მობრძანება ბათუმში

2.2 მილიონი ტურისტი

ქალაქი ყოველწლიურად იზიდავს დაახლოებით 2,2 მილიონ ტურისტს.

დაარსდა 1866 წელს

ბათუმი დაარსდა როგორც პატარა მეთევზეთა დასახლება და საბოლოოდ გადაიქცა საპორტო ქალაქად.

მოსახლეობა 180 000 ადამიანი

დღეს ბათუმში 180 000-ზე მეტი ადამიანი ცხოვრობს და საქართველოს ერთ-ერთი დიდი ქალაქია.

საქართველო, როგორც მიმზიდველი საინვესტიციო მიმართულება

საზღვაო ტურიზმი

რა უნდა გაგახსენოთ პირველ რიგში ზღვისპირა რეგიონმა? რა თქმა უნდა, საზღვაო კურორტები – კარგი ინფრასტრუქტურით, გართობისა და დასვენების ამოუწურავი შესაძლებლობებით. აჭარის ზღვისპირეთი სწორედ ასეთია – სუბტროპიკული კლიმატი, 21-კილომეტრიანი სანაპირო ზოლი, საშუალოდ, 21-დან 29 გრადუს ცელსიუსამდე გამთბარი წყალი, კეთილმოწყობილი გარემო და თვითმყოფადი ბუნება. გარდა გემრიელად დასვენებისა, ბათუმი, როგორც კურორტი, მზის თერაპიასა და ზღვის აბაზანებით მკურნალობასაც გთავაზობთ. ქალაქი გაჯერებულია ზღვის, აკაციისა და მაგნოლიების სურნელით და აქ წელიწადის ყველაზე ცივ თვესაც კი – იანვარში, ჰაერის ტემპარატურა +7-10 გრადუსია. ასე, რომ შეგიძლიათ ბათუმს წელიწადის ნებისმიერ დროს ესტუმროთ.

კულტურული ტურიზმი

აჭარა თავისი მრავალფეროვანი ისტორიულ-კულტურული ძეგლებით, ფესტივალებითა და კულტურული ღონისძიებებით ნამდვილი აღმოჩენაა კულტურული ტურიზმის მოყვარულთათვის. აჭარაში კულტურული ღონისძიებების ეპიცენტრი ბათუმია. იგი ყოველწლიურად მნიშვნელოვან კულტურულ, სპორტულ და სამეცნიერო ღონისძიებებს, სახალხო დღესასწაულებს, საერთაშორისო მუსიკალურ თუ კინო ფესტივალებს მასპინძლობს. ბოლო 10 წლის განმავლობაში, ბათუმს ისეთი პოპულარული შემსრულებლები სტუმრობდნენ, როგორებიცაა ჯამიროქუაი, მეისი გრეი, პროდიჯი, ქუინსი ჯონსი, სნუუპ დოგი, ლორინ ჰილი, ჯო სთოუნი, დე ლა სოული, Maroon 5, Sting, ერიკა ბადუ და სხვები.

ეკო ტურიზმი

მობუდარ თუ გადამფრენ ფრინველებსა და ნოტიო სუბტროპიკული ტყეების იარუსებად გაზრდილ მცენარეებზე დაკვირვება, ქვიშის დიუნები, სფაგნუმიანი ჭაობები, კატერით გასეირნება, ზიპლაინი, ულამაზეს ტბებზე ლაშქრობა, კულტურული ძეგლების, ტაძრებისა და თაღოვანი ხიდების დათვალიერება, ფეხით და ცხენით აჭარის საოცარ სოფლებში გასეირნება – ეს არასრული ჩამონათვალია იმ ეკოტურისტული აქტივობებისა, რომლითაც აჭარის დაცულ ტერიტორიებზე შეიძლება გაერთოთ.

გასტრო ტურიზმი

გასტრონომიული ტურიზმი საქართველოში არის ეროვნული და რეგიონალური ფასეულობა, რომელიც ასახავს ქვეყნის ისტორიას აბრეშუმის დიდ გზაზე.

საქმიანი ტურიზმი

აჭარაში გამართული მრავალრიცხოვანი საერთაშორისო მნიშვენლობისა და მაღალი დონის ღონისძიებების ფონზე, მხარემ MICE-ტურიზმის ტრანსნაციონალურ ბაზარზე მნიშვნელოვანი ადგილი მოიპოვა. თანამედროვე ტექნოლოგიებით აღჭურვილი ინფრასტრუქტურა, უგემრიელესი ადგილობრივი, ევროპული თუ აზიური სამზარეულო, მსოფლიო დონის მომსახურება, მომხიბვლელი გარემო – ის პირობებია, რომელიც აჭარაში ტურიზმის ამ სახეობის განვითარებას განაპირობებს.

სამთო-სათხილამური ტურიზმი

სამთო-სათხილამურო სპორტის მოყვარულებს აჭარა დიდ არჩევანს სთავაზობს. მთების საშუალო სიმაღლე აქ 2000-2500 მეტრია, ჰავა ნოტიოა, ზამთარი – შედარებით ცივი და ხანგრძლივი, ხოლო ზაფხული – ხანმოკლე და გრილი. მაღალმთიან აჭარაში ინტენსიურად შენდება სამთო-სათხილამურო კურორტები,რომელთაც, სპორტულის გარდა, სამკურნალო-რეკრეაციული დანიშნულება აქვთ და წლის ოთხივე სეზონისთვისაა გათვალისწინებული. აჭარის მაღალმთიანეთში, ზღვის დონიდან 2350 მეტრ სიმაღლეზე, უკვე მუშაობს სამთო-სათხილამურო კურორტი „გოდერძი“, რომელსაც წელიწადში 20 ათასზე მეტი ადამიანი სტუმრობს.

ბათუმის ისტორია

ბათუმი ერთ-ერთი უძველესი და სტრატეგიული ქალაქია, რომელსაც დაახლოებით ორიათასი წლის ისტორია აქვს. Ბათუმი წარმოადგენს მსხვილ საერთაშორისო ნავსადგურს შავი ზღვის სამხრეთ-აღმოსავლეთ სანაპიროზე, და იგი მნიშვნელოვანი სამრეწველო, კულტურული და ტურისტული ცენტრია საქართველოში.

ბათუმის შესახებ ადრეული ცნობები ძვ. წთ-ით მე-4 საუკუნის ბერძენი ფილოსოფოსის არისტოტელეს ნაშრომებში გვხვდება. იგი შავი ზღვის სანაპიროზე კოლხეთში მდებარე ქალაქს "ბათუსის" სახელით მოიხსენიებს. "ბათუსი" ბერძნული სიტყვაა და ღრმას ნიშნავს. ბათუმს შავ ზღვაზე ერთ-ერთი ყველაზე ღრმა და მოხერხებული საზღვაო პორტი აქვს.

2022 წლის შემოდგომაზე ქალაქი ბათუმი გახდა გამარჯვებული ნომინაციაში „ყველაზე სწრაფად მზარდი ტურისტული ადგილი ევროპაში“, რისთვისაც მიიღო ტურისტული ჯილდო — World Travel Awards.

2024 წელს ბათუმი საუკეთესო ევროპული მიმართულებების ხუთეულში მოხვდა.

ბათუმის ბოტანკური ბაღი

ერთადერთი კომპანია საქართველოში, რომელიც იძლევა რეალურ შესაძლებლობას გახდე საერთაშორისო ბრენდების პარტნიორი. Next -თან ერთად შენ შეგიძლია გახდე ბრენდული აპარტამენტების მფობელი, 5-ვარსკვლავიან სასტუმროში და მიიღო სტაბილური შემოსავალი ისე, რომ შენს უძრავ ქონებაზე ჩვენი გუნდი იზრუნებს.